موضوع-6

الدعاء هو من افضل الاشياء:

عشان نكون متفقين ان مفيش بن ءادم كامل وكلو ديما ناقصو حاجه ومفيش حد مش ناقصو حاجه لكن في حاجه يمكن كلنا او معظمنا مفتقرين ليها طيب الاول نعرض المشكلة عشان نعرف نحلها ونعرف اسبابها المشكلة ان هتلاقي ناس بتقول انا بدعي كتير اوي بس مفيش حاجه من دعائي بتستجاب ومفيش حاجه بتتحقق وحاسس اني بدعي كدا وخلاص والمسئلة دي ممكن توصل بعض الناس الى الكفر والعياذ بالله طيب دي الحاجه الى اغلبنا بنعاني منها طيب اي حلها او اي الحاجه الى احنا مفتقرين ليها عشان نيجي نتكلم في موضوع زي دة محتاج انك لما تشوف ا مفيش حاجه بتستجاب لازم تدرك ان في حاجه من الحجات دي نقصاك وهي اولا انك علاقتك مع ربنا تكاد تكون منعدمة او ضعيفه جدا بدرجه كبيرة ودي حلها انك لازم تقرب من ربنا اعتبرة هو اقرب حد ليك عشان هو فعلا اقرب حد ليك ومفيش غيرو هو بس الى معاك علطول وفي كل وقت طيب بردو لحد دلوقتي دة كلام فين الخطوات العملية في كدا الخطوات العملية في الحالات الي زي دي وهي انك تراجع صلواتك وتشوف انت مقصر فيها ولا لا وعبادتك وحفظ القرأن وغيرو وقبل دة كلو راجع قلبك دة اهم شيء وصفاء القلب دة مهم جدا طيب يعني حلها بردو عليك طيب مهو كل دة عليك فين الجديد يعني انا هنا يا سيدي الفاضل بدلك على الخطوات الى انت تنفذها لانك انت الى لازم تتعامل مع كل دة اما السبب الثاني وهو انك بتفتقر لليقين والايمان والعمل والاجتهاد  هتقلي ازاي يعم دة انا بصلي وبصوم وبعمل كل حاجه ازاي دة طيب انا هقلك ازاي انت بتروح تصلي وترجع تقول دة انا صليت ودعيت ربنا طيب الدعاء دة كدا مش بالساهل الواحد بيدعي ان ربنا يوفقو وهو بالفعل بيكون حاطط رجلو على اول الطريق او اول الخطوات الى هيبدأ في عملها سواء كنت راح تقدم في شغل او رايح تعمل اي حاجه لازم تكون حاطط خططك وخطواتك الى هتعملها دة اسمو الجد والاجتهاد مش تقعد في البيت وتدعي ربنا وانت مبتعملش حاجه اصلا طيب انت عايز الدعوة تتحقق ازاي دة بالنسبه للجد والاجتهاد فالخطوات بتاعتو انك تدعي ربنا بالتوفيق او بغيرو في الحاجه الى انت تقدر تعملها في الحاجه الى انت مفكر فيها وشغال عليها طيب لو في حاجه انت مفيش في ايدك اي حاجه تقدر تعملها غير انك تدعي اي الحل هنا الحل هنا بسيط وهو انك لما تدعي ربنا لازم تبقا عندك يقين كامل انك دعيت ربنا يبقا الى انت دعيت ربنا بيه هيستجاب قطعا ولو دة محصلش فأكيد هتلاقي حاجه تانية اتحققت او حاجه انت مش عايزها بس هي فيها الخير اكتر بكتير من الى انت كنت عايزو فانت تضايق لية دة ربنا سبحانة وتعالى عايزلك الاحسن وفي الحالة دي انت بترضا وبتسلم لارادة ربنا يبقا هنا الحل انك تدعي ربنا باخلاص وانك تبقا متيقن يقين كامل ان ربنا مش هيسيبك لوحدك ومش هينساك دي الحجات الى انت مش هتلاقيها في البشر لازم تتيقن انك لو منجحتش في العمل دة هيتحقق غيرو والى هيكون فية الخير